ယာဉ်ပိုင်ရှင်အမည်နှင့်နေရပ်လိပ်စာမမှန်ကန်မှုတို့ကြောင့် အမှုအခင်းဖြစ်ပွားပါက မလိုအပ်သောကြန့်ကြာမှုများ ကြုံတွေ့ရဟု ဆို

ယာဉ်ပိုင်ရှင်အမည်နှင့်နေရပ်လိပ်စာမမှန်ကန်မှုတို့ကြောင့် အမှုအခင်းဖြစ်ပွားပါက မလိုအပ်သောကြန့်ကြာမှုများ ကြုံတွေ့ရသဖြင့် အမည်မှန်၊ လိပ်စာမှန်များဖြစ်စေရန် လာရောက်မပြောင်းလဲပါက အရေးယူမည်ဖြစ်ကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာန၊ ကုန်းလမ်းပို့ဆောင်ရေးညွှန်ကြားမှုဦးစီးဌာနမှ သိရသည်။

ကုန်းလမ်းပို့ဆောင်ရေးညွှန်ကြားမှုဦးစီးဌာန(ရန်ကုန်-မြင်သာ)တွင် အောက်တိုဘာလ ၂၅ ရက်ကကျင်းပသော မော်တော်ယာဉ်အမည်ပြောင်းခြင်းဆိုင်ရာကိစ္စရပ်များနှင့်ပတ်သက်၍ သတင်းစာရှင်းလင်းပွဲမှ သိရခြင်းဖြစ်သည်။“ကျွန်တော်တို့ ကုန်းလမ်းပို့ဆောင်ရေးညွှန်ကြားမှုဦးစီးဌာနမှာ တချို့မှတ်ပုံတင်တဲ့ယာဉ်တွေဟာ ပိုင်ရှင်၊ အမည်၊ နေရပ်လိပ်စာ မမှန်ကန်တဲ့အတွက်ကြောင့် ယာဉ်တိုက်မှုဖြစ်တဲ့အခါမှာ မှုခင်းတွေဖြစ်တဲ့အခါမှာ ကြန့်ကြာမှုတွေ၊ မလိုအပ်တဲ့ဖြစ်စဉ်တေ၊ွ အရေးမယူနိုင်တဲ့ဟာတွေ ပြဿနာတွေ၊ အခက်အခဲတွေ တွေ့ကြုံရတာဖြစ်ပါတယ်။

ကျွန်တော်တို့ ဒီလိုအမည်ပြောင်းပြဋ္ဌာန်းထားရှိတဲ့ဟာကို မလိုက်နာလို့ရှိရင် ၂၀၁၅ ခုနှစ်မှာ ပြဋ္ဌာန်းထားတဲ့ မော်တော်ယာဉ်ဥပဒေအရ ဒဏ်ငွေ ၁ သိန်း ဆောင်ရပါ့မယ်။ အခု မော်တော်ယာဉ်ဥပဒေကို ပြည်ထောင်စုလွှတ်တော်မှာ ပြင်ဆင်ဖို့လုပ်ဆောင်နေပါတယ်။ အဲဒီမှာဆို ဒဏ်ငွေ ၃ သိန်း ပြဋ္ဌာန်းဖို့ကို ဆောင်ရွက်ထားပါတယ်။ လက်ရှိကတော့ ဒဏ်ငွေ ၁ သိန်းပေါ့” ဟု ပို့ဆောင်ရေးနှင့်ဆက်သွယ်ရေး ဝန်ကြီးဌာန၊ ကုန်းလမ်းပို့ဆောင်ရေးညွှန်ကြားမှုဦးစီးဌာန၊ ရန်ကုန်တိုင်းဒေသကြီးဦးစီးမှူး ဦးလျန်ကျင့်မန်က ပြောသည်။

ကုန်းလမ်းပို့ဆောင်ရေးညွှန်ကြားမှုဦးစီးဌာနတွင် မှတ်ပုံတင်ထားရှိသော မော်တော်ယာဉ်များ၏ ပိုင်ရှင်၊ အမည်၊ နေရပ်လိပ်စာ တိကျမှန်ကန်ရေးသည် နိုင်ငံတော်၏ တရားဥပဒေစိုးမိုးရေး၊ လုံခြုံရေးနှင့် စည်းကမ်းဥပဒေနှင့် ညီညွှတ်သည့် မော်တော်ယာဉ်များဖြစ်စေရေး၊ ရှေ့ဆက်ဆောင်ရွက်မည့် Radio Frequency Identification (RFID)စနစ်နှင့် ချောမွေ့စွာချိတ်ဆက်ဆောင်ရွက်နိုင်ရေးတို့အတွက် များစွာအရေးပါလှကြောင်းလည်း ထုတ်ပြန်ထားသည်။

ထို့ပြင် မော်တော်ယာဉ် ၁ စီးအတွက် ယခင်ကောက်ခံခဲ့သည့် ပြည်တွင်းအခွန်များဦးစီးဌာန၏ အခွန်နှုန်းသည် အနိမ့်ဆုံး ၁၅ ရာခိုင်နှုန်းမှ အမြင့်ဆုံး ၃၀ ရာခိုင်နှုန်းအထိဖြစ်ပြီး ယခု ၂၀၁၉ ခုနှစ် ပြည်ထောင်စုအခွန်ကောက် ဥပဒေပုဒ်မ-၂၅ အရ ယာဉ်ပိုင်ရှင်တိုင်း အခွန်ပေးဆောင်နိုင်သည့်အနေအထားသို့ ရောက်ရှိလာပြီဖြစ်ရာ အခွန်သက်သာခွင့်ကန့်သတ်ကာလအတွင်း ယာဉ်ပိုင်ရှင်တိုင်း ယာဉ်လက်ဝယ်ရှိသူအမည်၊ နေရပ်လိပ်စာ မှန်ကန်စွာ ပြောင်းလဲမှတ်တမ်းတင်နိုင်ရန် အခွင့်အလမ်းကောင်းတစ်ခုဖြစ်ကြောင်း ထုတ်ပြန်ချက်အရ သိရသည်။

ကုန်းလမ်းပို့ဆောင်ရေးညွှန်ကြားမှုဦးစီးဌာနအနေဖြင့် ၂၀၂၀ ခုနှစ်၊ ဇန်နဝါရီလ ၁ ရက်မှစတင်၍ မော်တော် ယာဉ်မှတ်ပုံတင်လုပ်ငန်းများ (ကနဦးမှတ်ပုံတင်ခြင်း၊ နှစ်လဲသက်တမ်းတိုးခြင်း၊ ယာဉ်မှန်/မမှန်စစ်ဆေးခြင်း၊ နယ်ဝင်/နယ်ထွက်ခြင်း၊ ခရီးလွန်စစ်ဆေးခြင်း၊ စက်/ဆေး ပြောင်းလဲခြင်း၊ မှတ်ပုံတင်အထောက်အထား ပျောက်ဆုံးခြင်း စသည်ဖြင့်)ဆောင်ရွက်ပါက အမည်ပေါက်ယာဉ်ပိုင်ရှင်ကိုယ်တိုင် (သို့မဟုတ်) အမည်ပေါက် ပိုင်ရှင်၏ နိုင်ငံသားစိစစ်ရေးကတ်မူရင်း၊ အိမ်ထောင်စုလူဦးရေစာရင်းမူရင်းများဖြင့် တိုက်ဆိုင်စိစစ်ဆောင်ရွက် သွားမည်ဖြစ်ပြီး တင်ပြနိုင်ခြင်းမရှိပါက ယာဉ်လက်ဝယ်ရှိသူ၏အမည်သို့ပြောင်းရန် ပြည်တွင်းအခွန်များဦးစီးဌာနတွင် ဝင်ငွေခွန်ပေးဆောင်စေမည်ဖြစ်ကြောင်း သိရသည်။ထို့အပြင် လာမည့်နှစ်များတွင်လည်း မှတ်ပုံတင်လုပ်ငန်းများဆောင်ရွက်ရာ၌ ယာဉ်အမည်ပေါက်ပိုင်ဆိုင်သူ မှန်ကန်မှသာ သက်တမ်းတိုးဆောင်ရွက်ပေးမည်ဖြစ်ကြောင်း သိရသည်။

Credit-အကုန်သိ