မီးနီရပ်စောင့်နေတဲ့ လူနှစ်ဦး ပြိုင်ကားနဲ့တိုက်ခံရတဲ့အမှုက တရားခံကို ထောင် (၉) နှစ်အမိန့်ချ

မန္တလေးမြို့ အောင်မြေသာစံမြို့နယ် ၇၈ လမ်း နှင့် ၂၆ လမ်းထောင့် ကျုံးဘေးတွင် ပြိုင်ကားနှင့် တိုက်မိကာ လူငယ် (၂) ဦး သေဆုံးသည့်အမှုတွင် ကားမောင်းသူအား ထောင်ဒဏ် (၉) နှစ် ကျခံရန် အောင်မြေသာစံမြို့နယ်တရားသူကြီး က အမိန့်ချခဲ့သည် ။

Image may contain: 1 person

ယင်းအမှုတွင် အပြီးသတ်လျှောက်လဲချက်တင်ပြီးဖြစ်သည့်အတွက် ယာဉ်မောင်းဖြစ်သူ သန်းထက်အောင် အား အောက်တိုဘာလ ၃၁ ရက်နေ့က အောင်မြေသာစံမြို့နယ် တရားရုံးတွင် အမိန့်ချခဲ့ခြင်းဖြစ်သည် ။ယင်းအမှုတွင် အမှုအမှတ် ၁၆၉၅/၂၀၁၈ တွင် ရာဇသတ်ကြီးပုဒ်မ – ၃၀၄(က) ဖြင့် လည်းကောင်း၊ အမှုအမှတ် ၁၆၉၆/၂၀၁၈ တွင် ရာဇသတ်ကြီးပုဒ်မ – ၂၇၉ ဖြင့် လည်းကောင်း စွဲချက်တင်ထားပြီးဖြစ်သည် ။

အမိန့်ချရာတွင် ရာဇသတ်ကြီးပုဒ်မ – ၃၀၄(က) ဖြင့် စွဲချက်တင်ထားသည့် အမှုအမှတ် ၁၆၉၅/၂၀၁၈ အမှုအား အလုပ်နှင့် ထောင်ဒဏ် (၇) နှစ် ကျခံရန်လည်းကောင်း၊ ရာဇသတ်ကြီးပုဒ်မ – ၂၇၉ ဖြင့် စွဲချက်တင်ထားသည့် အမှုအမှတ် ၁၆၉၆/၂၀၁၈ အမှုအား အလုပ်နှင့် ထောင်ဒဏ် (၂) နှစ် ကျခံရန်လည်းကောင်း သီးခြားစီ အမိန့်ချခဲ့ခြင်းဖြစ်သည် ။

“အမိန့်ချတဲ့ ကိစ္စနဲ့တော့ ဘာမှပြောစရာမရှိပါဘူး။ တရားစီရင်ရေးအတိုင်းအမိန့်ချတာပါ။ ဒါပေမယ့် နစ်နာသူ မိသားစုတွေအတွက် ဆုံးရှုံးမှုကိုတော့ စိတ်မကောင်းဖြစ်ရပါတယ်။´´ ဟု နစ်နာသူဘက်မှ လိုက်ပါပေးသည့် အထက်တန်းရှေ့နေ ကိုရဲရင့်ဝေ က ပြောသည် ။နစ်နာသူ မိသားစုဝင်များအနေဖြင့်လည်း တရားရုံးက ချမှတ်သည့်အမိန့်အား ကျေနပ်မှုရှိကြောင်း ပြောကြားခဲ့သည် ။၂၀၁၈ ခုနှစ် နိုဝင်ဘာလ (၉) ရက်နေ့ နံနက် အစောပိုင်းအချိန်က ၇၈ လမ်း ၂၆ လမ်း မီးပွိုင့်တွင် မီးနီနေသဖြင့် ဆိုင်ကယ်အား ရပ်၍စောင့်နေစဉ် TOYOTA Lexus အနီရောင်ပြိုင်ကားမှ အနောက်က ဝင်တိုက်မိခဲ့ကာ လူငယ် (၂) ဦး သေဆုံးခဲ့သည် ။

ယာဉ်တိုက်မှုဖြစ်စဉ်ကြောင့် ဆိုင်ကယ်ပေါ်တွင်ပါသည့် လွင်မင်းသန့် (၂၃) နှစ် နှင့် ကျော်ဇင်သက် (၂၆) နှစ် တို့သည့်လည်း ကားနှင့် ချိတ်ပါခဲ့ပြီး ဒဏ်ရာများရရှိခဲ့သည့်အတွက် မန္တလေးအထွေထွေရောဂါကုဆေးရုံကြီးသို့ တင်ပို့ရာ ၎င်းတို့ (၂) ဦးလုံး သေဆုံးခဲ့ကြောင်း သိရသည် ။

Credit-Ko Thura