အားပေးတဲ့ပရိသတ်များလာတာကြောင့် ကြိုးစားချင်စိတ်ပြင်းပြလာမိတယ်ဆိုတဲ့ သက်ထားသူဇာ

မြန်မာနိုင်ငံရဲ့ နိုင်ငံဂုဏ်ဆောင် အားကစားမယ်လေး သက်ထားသူဇာကိုတော့ ပရိသတ်တွေကို အထူးတလည်မိတ်ဆက်ပေးစရာမလိုတော့ဘူးထင်ပါတယ်။မကြာသေးမီက “Egypt International Badmintom (2019)”ပြိုင်ပွဲကြီးမှာ ရွှေတံဆိပ်ဆုကြီးကို ထိုက်ထိုက်တန်တန်နဲ့ အရယူခဲ့ပြီး ကမ္ဘာ့အလယ်မှာ မြန်မာနိုင်ငံအလံကို ထိပ်ဆုံးကလွှင့်ထူခွင့်ရအောင် စွမ်းဆောင်ပေးနိုင်ခဲ့ပြန်ပါတယ်။

သက်ထားသူဇာဟာ နောက်ထပ်ပြိုင်ပွဲတွေအနေနဲ့ လာမယ့် နိုဝင်ဘာလ (၂၀)ရက်နေ့မှာ အိန္ဒိယမှာ ပြိုင်ပွဲ(၂)ပွဲကိုသွားရောက်ယှဉ်ပြိုင်မှာဖြစ်ပြီး SEA Game မှာလည်း ဝင်ရောက်ယှဉ်ပြိုင်သွားမှာလို့ သိရပါတယ်။ အခုပြိုင်ပွဲတွေကို သွားရောက်ယှဉ်ပြိုင်ဖို့ အတွက်ကိုတော့ ဒီနေ့နိုဝင်ဘာလ(၂)ရက်နေ့ကနေစတင်ပြီး မလေးရှားနိုင်ငံမှာ Trainingသွားဆင်းမှာလို့လည်း ပြောကြားထားပါတယ်။

Image result for သက်ထားသူဇာ"

လက်ရှိပြိုင်ပွဲတွေသွားရောက်ယှဉ်ပြိုင်တဲ့အခါမှာ ပရိသတ်တွေက သက်ထားသူဇာရယ်လို့ အားပေးလာကြတဲ့သူတွေများလာတာနဲ့ ပတ်သက်ပြီးတော့လည်း “အခုလိုအားပေးတဲ့သူတွေများလာတော့ ဝမ်းသာတာပေါ့။အားလည်းရှိတယ်။ပွဲတစ်ပွဲသွားလို့ရှိရင်လည်း အရင်တုန်းကဆိုရင် ကြက်တောင်အသိုင်းဝိုင်းကပဲသိတာ။ အခုကျတော့ ဆုတွေလည်းရလာပြီး သိတဲ့သူတွေလည်းများလာတဲ့အတွက်ကြောင့် ညီမကတော့ ကိုယ့်ပရိသတ် ကိုယ့်နိုင်ငံအတွက်ပိုပြီးတော့မှ ကြိုးစားရမယ်ဆိုတဲ့ စိတ်တစ်ခု ပြင်းပြလာတာပော့”လို့ ဖြေကြားထားပြီး အားပေးတဲ့ပရိသတ်တွေကိုလည်း အရမ်းကျေးဇူးတင်ပါတယ်လို့လည်း ဆိုပါတယ်။

Image result for သက်ထားသူဇာ"