တရုတ်နိုင်ငံမှာ “အွန်လိုင်းဂိမ်းများကို ညမဆော့ရ” အမိန့် ထုတ်ပြန်

တရုတ်နိုင်ငံမှာ လူငယ်တွေ ဂိမ်းအလွန်အကျူး စွဲလမ်းမှုကို တိုက်ဖျက်ဖို့အတွက် အစိုးရက အွန်လိုင်းဂိမ်းတွေကို “ညမဆော့ရ” ကာဖြူးမိန့် ထုတ်ပြန်လိုက်ပါတယ်။ယခု အမိန့်ကြောင့် အသက် ၁၈ နှစ်မပြည့်သေးသူ လူငယ်အားလုံးကို ည ၁၀ နာရီ ကနေ မနက် ၈ နာရီအတွင်း အွန်လိုင်းဂိမ်းတွေ လုံးဝ ဆော့ခွင့်ရမှာ မဟုတ်တော့ပါဘူး။

ရုံးဖွင့်ရက်တွေမှာလည်း အသက် မပြည့်သေးရင် တနေ့ကို အလွန်ဆုံး မိနစ် ၉၀ အထိပဲ ဆော့ခွင့်ရတော့မှာ ဖြစ်ပါတယ်။ ပိတ်ရက်နဲ့ အစိုးရ ရုံးပိတ်ရက်တွေမှာတော့ တနေ့ကို ၃ နာရီအထိ ဆော့ခွင့်ပေးထားပါတယ်။ဒါ့အပြင် ဆယ်ကျော်သက် လူငယ်တွေရဲ့ အွန်လိုင်းဂိမ်းအကောင့်ထံ ပိုက်ဆံ လွှဲပြောင်းနိုင်တဲ့ ပမာဏကိုလည်း အစိုးရက ကန့်သတ်ချက် ထုတ်လိုက်ပါတယ်။ အသက် ၈ နှစ်ကနေ အသက် ၁၆ နှစ်ကြား ဂိမ်မာတွေအနေနဲ့ တလကို ယွမ် ၂၀၀ (၂၉ ဒေါ်လာ) ပဲ ဖြည့်သွင်းနိုင်မှာ ဖြစ်ပြီး၊ အသက် ၁၆ နှစ်ကနေ ၁၈ နှစ်ကြားဆိုရင်တော့ အများဆုံး ယွမ် ၄၀၀ (၅၇ ဒေါ်လာ) အထိ ဖြည့်သွင်းနိုင်မှာပါ။

ဘေဂျင်းအစိုးရရဲ့ တရားဝင် ထုတ်ပြန်လိုက်တဲ့ ယခု လမ်းညွှန်ချက် အသစ်တွေကို အရွယ် မရောက်သေးသူတွေသာမက တရုတ်နိုင်ငံမှာ ရှိတဲ့ အွန်လိုင်းဂိမ်း ပလက်ဖောင်းတိုင်းလည်း လိုက်နာရမှာ ဖြစ်ပါတယ်။ ဒီထဲမှာ ကမ္ဘာ့အကြီးဆုံး ဂိမ်းကုမ္ပဏီဖြစ်တဲ့ Tencent လည်း အပါအဝင်ပါ။စည်းကမ်းချက်အတိုင်း လိုက်နာကြစေဖို့ ဆော့ကစားသူတွေကို အသက်အရွယ် အုပ်စုအလိုက် သတိပေးချက်တွေ သတ်မှတ်ပေးဖို့ကိုလည်း အစိုးရက အွန်လိုင်းဂိမ်း ကုမ္ပဏီတွေထံ တောင်းဆိုထားပါတယ်။ ဒါ့အပြင် အရွယ်မရောက်သေးသူတွေကို အဓိက ဦးတည်ထားတဲ့ ဂိမ်းတွေမှာ အဖော်အချွတ်၊ အကြမ်းဖက်မှုနဲ့ လောင်းကစားပိုင်းဆိုင်ရာ အကြောင်းအရာတွေ မထည့်သွင်းဖို့လည်း တားမြစ်ထားပါတယ်။

မလိုက်နာတဲ့ ကုမ္ပဏီတွေကို မဖြစ်မနေ အပြောင်းအလဲ လုပ်ခိုင်းတာ ဒါမှမဟုတ် ပြစ်ဒဏ်ပေးတာတွေ လုပ်ဆောင်သွားမှာပါ။ အဆိုးရွားဆုံးအနေနဲ့ လုပ်ငန်းလိုင်စင်ပါ သိမ်းနိုင်တယ်လို့ အစိုးရထုတ်ပြန်ချက်မှာ ဖော်ပြထားပါတယ်။ယခု စည်းကမ်းချက်အသစ်တွေဟာ “လွတ်လပ် သန့်ရှင်းတဲ့ အင်တာနက် နယ်ပယ်” တခုကို ဖန်တီးပေးနိုင်ဖို့နဲ့ “အရွယ်မရောက်သေးသူတွေရဲ့ ကိုယ်စိတ်နှလုံး ကျန်းမာရေးကို ကာကွယ်ပေးဖို့အတွက်” ဖြစ်ကြောင်း အစိုးရ ပြောရေးဆိုခွင့်ရှိသူတဦးက အစိုးရပိုင် Xinhua သတင်းအေဂျင်စီကို ပြောကြားခဲ့ပါတယ်။

“အခု ကြေညာချက်က ကော်ပိုရေးရှင်းကြီးတွေရဲ့ တာဝန်ယူမှု ရှိစေဖို့ အဓိက မီးမောင်းထိုးပြထားတာပါ။ ဒီပြဿနာကို ကြီးကြပ်ဖြေရှင်းရမယ့် အစိုးရရဲ့ တာဝန်ဝတ္တရားကိုလည်း တရားဝင် အကောင်အထည် ဖော်လိုက်တာ ဖြစ်ပါတယ်”အစိုးရဌာနတွေအနေနဲ့ ယခု စည်းကမ်းချက်အသစ်တွေကို လေ့လာဖို့ လိုအပ်ကာ ကော်ပိုရေးရှင်းတွေကိုလည်း စည်းကမ်းလိုက်နာကြဖို့ ကြီးကြပ်ဆောင်ရွက်ပေးရမှာ ဖြစ်တယ်လို့ ၎င်းက ပြောကြားခဲ့ပါတယ်။ဒါ့အပြင် အစိုးရနဲ့ ရဲဌာနတို့ ပူးပေါင်းပြီး အမည်မှန် တင်သွင်းပြုစုရေး စနစ်တခုကိုလည်း အကောင်အထည် ဖော်နေတယ်လို့ သိရပါတယ်။ ဂိမ်းကုမ္ပဏီတွေအနေနဲ့ ၎င်းတို့ဆီမှာ ဆော့ကစားနေသူတွေရဲ့ နာမည် အစစ်အမှန်ကို နိုင်ငံတော် အမည်စာရင်းနဲ့ တိုက်ဆိုင် စစ်ဆေးနိုင်တော့မှာပါ။

ကမ္ဘာ့အကြီးဆုံး ဂိမ်းဈေးကွက် ဖြစ်တဲ့ တရုတ်နိုင်ငံဟာ အလျင်အမြန် ကြီးထွားတိုးတက်နေတဲ့ ဂိမ်းဈေးကွက်ကို ကြပ်မတ်ဖို့အတွက် ကြိုးစားအားထုတ်လျက် ရှိပါတယ်။ ပြီးခဲ့တဲ့ ၂၀၁၈ သြဂုတ်လမှာ တရုတ် ဆယ်ကျော်သက်ကလေးတွေရဲ့ အဝေးမှုန် ဖြစ်မှုကို လျော့ချဖို့ အွန်လိုင်းဂိမ်းသစ် ထုတ်လုပ်မှု အရေအတွက်ကို လျော့ချမယ့် အစီအစဉ်တွေကို ထုတ်ပြန် ကြေညာခဲ့ဖူးပါတယ်။ဒါ့အပြင် သွေးထွက်သံယိုပါတဲ့ ဂိမ်းတွေကိုလည်း တားမြစ်ချက်တွေ ထုတ်ပြန်ထားသလို၊ ၂၀၁၇ ခုနှစ်တုန်းကလည်း နာမည်ကျော် “Honor of Kings” မိုဘိုင်းဂိမ်းကို လူငယ်တွေ အစွဲလမ်း လွန်စေတယ်ဆိုပြီး အစိုးရကိုယ်တိုင် ပြစ်တင်ဝေဖန်ခဲ့ဖူးပါတယ်။

Credit-ဧရာဝတီ