သားကြောမှားဖြတ်ခံရသည့် အမေရိကရောက် မြန်မာလုပ်သား ဒေါ်လာ ၁ သန်းကျော် ရသွား

လိင်တံထိပ် အရေပြား ဖြတ်ရန် ဆေးခန်းရောက်လာသူကို အမေရိကရှိဆရာဝန်က သားကြောမှားဖြတ်လိုက်သဖြင့် နစ်နာသူ မြန်မာရွှေ့ပြောင်းလုပ်သားသည်ဒေါ်လာ ၁ ဒသမ ၄ သန်း လျော်ကြေးရတော့မည်ဖြစ်သည်။အသက် ၃၈ နှစ်အရွယ် ဇော်ဇော်သည် ၂၀၁၅ ခုနှစ် ဒီဇင်ဘာလတွင်အိုင်အိုဝါဆေးခန်းတွင် လိင်တံထိပ်အရေပြား သွားဖြတ်ခဲ့သော်လည်းသားကြောမှားဖြတ်ခံလိုက်ရခြင်းဖြစ်သည်။ ၄င်းသည် ဆရာဝန်လွှဲစာဖြင့်ထိုဆေးခန်းသို့ ရောက်သွားခြင်းဖြစ်သည်။

ခွဲစိတ်ဆရာဝန် ဒေါက်တာကီဗင်ဘရပ်ဆင်သည် ဇော်ဇော်ကို နစ်နာကြေး ဒေါ်လာနှစ်သန်း ပေးရမည်ဟုဂျူရီလူကြီးတစ်ဦးက ပထမတွင် ဆုံးဖြတ်ခဲ့သော်လည်း အဆိုပါမှားယွင်းမှုတွင်ဇော်ဇော့်ဘက်မှ တာဝန် ၃၀ ရာခိုင်နှုန်းရှိသည်ဟု ဂျူရီလူကြီးအဖွဲ့ဝင်များကဆုံးဖြတ်ပြန်ကာ နစ်နာကြေး ဒေါ်လာ ၁ ဒသမ ၄ သန်းသာ ပေးရန်သတ်မှတ်လိုက်သည်။

အထက်ပါမှားယွင်းမှုတွင် ခွဲစိတ်ဆရာဝန်၏တာဝန်၇၀ ရာခိုင်နှုန်း ရှိသဖြင့် ဆရာဝန်ကသာ တာဝန်ခံရမည်ဟု ဂျူရီလူကြီးကဆိုသေးသည်။ မှားယွင်းမှု ဖြစ်သွားအပြီးတွင် ဇော်ဇော်က ဆေးခန်းကိုဆက်သွယ်ကာကျေအေးငွေ ရရန်ကြိုးပမ်းခဲ့သော်လည်း မရသဖြင့် မှားယွင်းမှုဖြစ်ပွားအပြီးနှစ်နှစ်နီးပါးအကြာ ၂၀၁၇ ခုနှစ် နှစ်ကုန်ပိုင်းတွင်မှ စတင်တရားစွဲဆိုလိုက်သည်။ သို့သော်လည်းဆေးခန်းတွင် တာဝန်မရှိ၊ ဆရာဝန်တွင်သာ တာဝန်ရှိသည်ဟု ဂျူရီလူကြီးများကဆုံးဖြတ်လိုက်သည်။ မည်သို့ပင်ဆိုစေကာမူ အထက်ပါမြန်မာရွှေ့ပြောင်းလုပ်သားသည်ဒေါ်လာ ၁ ဒသမ ၄ သန်း ရတော့မည်ဖြစ်သည်။

Source-ပြည်မြန်မာ